كافيه نقشات الرياض، يتميز بوجود جلسات كثيره ومكان في الخارج المدخنين.. مع هدوء في الداخل مناسب للإجتماعات وورش العمل.. كذلك القهوه رائعه - الأسم : كافيه نقشات - @NAQASHAT_CAFE
- التصنيف : عوائل – أفراد
- النوع : كافيه
- الاسعار : متوسطة
- الاطفال : مسموح
- بارتشن: لا يوجد
- الموسيقى :لا يوجد
- أوقات العمل : 6AM–12AM
- خرائط جوجل: للدخول الى الكافية عبر خرائط جوجل اضغط هناعنوان كافيه نقشات الرياض
وادي وج، الملقا، الرياض
افضل ما يقدمه الكافيهالكافي زيارتي له العصر ما كان أحد موجود وقتها هااااادي ورايق ● الكافيه ديكوره جميل ● جلساته أشوفها كثيره ممتازة ● جلسات داخليه وخارجيه مفتوحه و الخارجيه قليله وقسم جلسات خاصه للمدخنين ● الكراسي مريحه وفيه طاولات متوفر فيها أفياش ممتازة للي حاب يدرس او عنده شغل يسويه ومحتاج للشاحن ● مافيه موسيقى طلبنا/ ● كورتادو اللي طلبه يمدحها قهوة قوية وثقيله ● مشروب بستاشيو نقشات يجي معه حبات فستق مجروشة وقطع حلوى قاسيه المشروب لذيذ وثقيييل لكن لو برجع اطلبه باخذ شوت اسبريسو حتى القهوة تبان طعمها ● الحلويات عندهم محدودة وحجمها صغيير مقابل سعرها المرتفع .. جربنا ماجيك بار لذيييذ معه نكهة الهيل ● قدمو لنا أول مادخلنا موية مجاناً ● الأسعار معقولة
منيو كافيه نقشات
مكان جميل وخدمة اجمل وفيه مكان منفصل للمدخنين وتعامل لطيف الطلب كان فلات وايت حلو وموزون ومع كل طلب مويه مجانيه وجربت الكفي داي كانت حلوه وخفيفه
اراء المتابعين
التقرير الأولزيارتي له الصباح هااااادي ورايق الكافيه ديكوره جميل وجلسات داخليه وخارجيه مفتوحه و الخارجيه قليله وقسم جلسات خاصه للمدخنين مافيه موسيقى الباريستا يتعامل بذوق و احترافية طلبت فلات ممتاز والحلو فيهم يقدمون لكم اول ماتدخلون موية مجاناًالأسعار معقولةالتقرير الثانينقشات كافية المكان رائع والجو والأجواء صالحة للعمل أيضاً توجد جلسات داخلية وخارجية مع ذي الأجواء الآن ولا غلطه القهوة فلات وايت ولا غلطه مضبوط والحلى متنوع انصح بزيارته ديكوره رائع واللوحات ملفته جداً يستحق الزيارةالتقرير الثالث
المكان شرح ويفتح النفس جداً وفيه مكان مخصص للمدخنين وكذلك جلساته مريحه وتوزيع الكهرب ايضا مناسب للي يدرسون ويشتغلون، الفلات وايت كان ١٠/١٠ والتعامل راقي ومبستم
التقرير الرابعزيارتنا للكفي مسائية الكفي جديد له شهرين تقريباً فاتح الله يوفقهم أعجبني اللوقو حق المقهى واللوحات اللي فيه جدا جميلة تصميم المقهى حلو نوعا ما لكن الزجاج اللي بين مساحة المدخنين وداخل المقهى يضايق يخلي من المقهى شاشة تلفاز !..خاصة من بعض الشباب الله يهديهم ياريت ماكان شفاف !..الطاولة اللي جلسنا فيها يبدو إنها خاصة للعمل أو الدراسة ممكن تشحن فيها اللاب توب أو ممكن الجوال بس إنها غير مريحة والطاولة مرتفعة أكثر من اللازم مافيه تناسق بينها وبين الكرسي كمان كراسيها غير مريحة لكن الكراسي الثانية والطاولات كانت مناسبة الشباب كانوا جداً خلوقين وبشوشين ومرحبين بالزباين الله يعطيهم العافية طلبنا فلات وايت البن كان أثيوبي وطلبتها بحرارة معينة وضبطوها وكانت ممتازة الآيس سبانيش لاتيه أبداً ماضبطوه الحلا اخترنا حلا الدايجستيڤ عادي جدا وحلا الجوزاء أحسن منه بس مو مرة لذيذ وقدمنا لنا الكوكيز مجانا كمان لزم على بنتي الصغيرة تشرب كابتشيو وجاب لها ضيافة مع إنه أساسا ماتشرب قهوة بس ماقصر أبداً يعطيه العافية وكمان يقدموا مويا محاناً مع الطلب الأسعار أعلى من المتوسط لنا زيارة ثانية أكيد وإن شاء الله ف النهار أتوقع بتكون الأجواء أفضل بالتوفيق لهمالتقرير الخامس
جميل جدا و هادئ .. نطيف ومرتب .. لا يوجد إزعاج موسيقى .. الموظفين ممتازين جدا شكرا لهم للطفهم وحسن ذوقهم .. وشكر خاص للمالك على ذوقه وحسن خُلُقِه وشكرا لضيافته .. الله يبارك له ..
التقرير السادسكانت لي تجربه للكفي في وقت الظهيره المكان هادئ جداً ومناسب للعمل او الدراسة لاحظت وجود افياش في الطاولات وجهاز للشاحن الديكور هادي ومريح للعين فيه منطقه معزولة ومخصصه للمدخنين.. العاملين لطيفين جداً قدمو لنا الماء مجاناً جربت قهوة الكولد برو والفلات وايت كلهم لذيذه يستحق الزياره
https://cafesriyadh.com/2022/%d9%83%d8%a7%d9%81%d9%8a%d9%87-%d9%86%d9%82%d8%b4%d8%a7%d8%aa-%d8%a7%d9%84%d8%b1%d9%8a%d8%a7%d8%b6/
ليست هناك تعليقات:
إرسال تعليق